KAISE Bhuloon...

Kaise bhulu wo junoo..

Hai aaj bhi ehsaas..dil ke paas..

Jab yaad karu yeh din..

Dil se nikle ek salaam..

Mere shaheed bhaiyo ke naam..

Kaise bhulu yeh din..

Yeh din hai bahot khaas..

Rag rag me khoon khol uthe..

Leke bas bharat maa ka naam..

Kaise bhulu wo lalkaar..

Dushman ne kiya jab pichhe se vaar..

Fir bhi zuke nahi date rahe woh veer..

Dete huye humari suraksha ka paigaam..

Kaise bhulu wo dard..

Jisne kabhi aanh nahi bhari..jab tak chali jism me saans..

Aankho me tha ek hi lakshya..

Ey fouji..teri puja karne ko man kare..

Sabhi dharmo se badhkar teri rashtr-bhakti..

Sabhi karmo se badhkar tera kaam..

Kaise bhulu woh cheekh..

Jo hoto se nikli thi jaan nikal ne ke baad..

Jisne jite ji kiya the jivan desh ke naam.

Usne likh di maut bhi apne maati..apni bharat maa ke naam..

Kaise bhulu wo aankhe..

Jisme the khoon ke aansu..

Maut ko aate dekh use thi desh ki chinta..

Na ki khud ki maut ka gam..

Kaise bhulu wo shahadat..

Jisne khun se likha itihaas..

Jo dekhega aankh uthakar bharat ki aur..

Uski nigaaho me bhi dar rahega..

Kar ke aaj ke din ko yaad..

Kaise bhulu me yeh aaj ka din..

Jab hai puri duniya ko yaad..

Ey dosto mat bhulo shahid ki kurbani..

Jisne diya mar ke jine ka paigaam!!

Heartly salute to Indian Army!!!

---Mohit Makwana

JAI HIND!!!!